Џесика Алба проговори за здравствените проблеми: „До 11 години јас веќе бев на 5 операции“
Актерката Џесика Алба плени со својот изглед каде и да се појави, а малкумина знаат каква приказна крие оваа дама. Имено, таа призна дека во детството имала многу проблеми со здравјето, и дека поради хроничните болести таа до 11 години направила дури 5 операции.
Џесика како дете имала проблем со недостатокот на воздух поради што белите дробови колабираат, а откако двапати се изборила со оваа состојба, добила и воспаление на белите дробови од кое за една година четири пати лежела во болница. Но тоа не е се, таа имала и цисти на крајниците и опсесивно-компулсивна невроза, а поради лошото здравје често отсуствувала и од училиштто па немала прилика да стекне ниту пријатели.
„Мојата мајка имала рак на многу млади години, во раните дваесетти. Пораснав со хронични болести. Имав пет операции пред својата 11-та година и хронични алергии, а како дете многу пати на подолг период бев хоспитализирана“, изјави Џесика.
Поради проблемите кои ги имала во детството, актерката повеќе внимание им посветила на своите деца, а во 2008 година кога Алба стана мајка, здравјето на нејзината ќерка Хонор и била главна грижа, па токму поради тоа таа актерството го остави на страна.
„Сакам да живеам и напредувам и да поминувам што повеќе време со оваа мала личност која ќе ја донесам на свет. Значи, моето здравје е важно. Сакам оваа мала личност да биде здрава, но навистина е тешко да се биде среќен кога немаш здравје“, изјави тогаш Џесика Алба.
Алба во меѓувреме роди 3 деца, па истакна дека уште од најрана возраст ги учи дека мораат да го ценат и сакаат своето тело и да внимаваат на своето здравје.