Модна работничка откако ја скршила ногата паѓајќи низ подот во италијанската продавница на модната дизајнерка Стела Макартни, го тужи брендот на ѕвездата за 100.000 фунти, пишува „Дејли мејл“.

Клои Микелборо (31) која работела на рекламно снимање, курирајќи ја нејзината содржина на социјалните мрежи, се повредила во продавницата во Милано, во јуни 2018 година. Таа требала да сними интервју со директорите на брендот, Ендрју Дершо и Ајда Симонсен, како дел од тогашната рекламна кампања. Девојката се удрила во „пешачката патека“ во продавницата и паднала на долниот кат.

Клои ја скршила петицата, оставајќи ја со постојани болки и отоци во стапалото, а како што таа вели, тоа ја спречува да носи модерни чевли на потпетици.

Таа сега тужи за отштета од 100.000 фунти, бидејќи е „заглавена“ постојано да носи ортопедски патики, спречена е да танцува или да трча и е ограничена во потрагата по работа во канцеларија.

Компанијата на Макартни го оспорува тврдењето, обвинувајќи ја Клои дека самата е виновна за несреќата, велејќи дека просторот во кој таа се качила воопшто не бил дел од „пешачката патека“ на продавницата. Се вели дека таа се прекачила на заштитната ограда и влегла во небезбедна и недозволена област.

Судењето за овој случај треба да биде спроведено во окружниот суд во Централен Лондон.

Стела Макартни, која е ќерка на пејачот Поп Макартни и неговата покојна сопруга Линда го води својот бизнис како моден дизајнер и поседува продавници во Менхетен, Мејфер, Париз, Рим и Милано меѓу другите. Таа била заинтересирана за модата уште од млада возраст, дизајнирајќи ја својата прва јакна на 13 години, а првата работа во индустријата ја добила на 16 години.

Брендот е популарен кај познатите личности, меѓу кои и Меланија Трамп, Бијонсе и Амал Клуни, сопругата на актерот Џорџ Клуни.