Ненад Сузиќ (71), поранешен министер за образование на Република Српска и редовен професор на Универзитетот во Бања Лука, беше осуден од Окружниот суд во Бања Лука на девет години затвор за сексуално злоставување на 14-годишно девојче.

Сузиќ беше прогласен за виновен за сексуален однос со дете на возраст под 15 години.

– Обвинетиот беше осуден на девет години затвор, што го вклучува и времето поминато во притвор од 5 јуни до 5 декември 2019 година. На обвинетиот му е одредена мерка на безбедност за целосна забрана за вршење на функцијата професор, при чие вршење се остварува директен контакт со деца – објави Окружниот суд во Бања Лука.

Исто така, на Сузиќ му беше забрането да пристапува и да комуницира со жртвата и одредени лица. И тоа е забрана за приближување до 50 метри и забрана за комуникација за две години. Тоа нема да го вклучува времето поминато на издржување на казната.

Сузиќ беше уапсен на 5 јуни 2019 година, откако родителите на жртвата контактирале со полицијата.

Пресудата не е конечна и дозволено е право на жалба до Врховниот суд на Република Српска, пишува Новости.