Детали од прославата на последниот роденден на принцезата Дијана: Американски милијардер ѝ се додворувал, бизнисмен сакал да се фрли од мостот
Леди Ди била во славеничко расположение во текот на летото 1997 година, и не само поради својот роденден. Уживала во новостекнатата слобода и животот надвор од британското кралско семејство, а поминала само една година откако и официјално се развела од принцот Чарлс.
Принцезата Дијана би го прославила својот 60-ти роденден на 1 јули, а секако беше и остана пример поради своето однесување и ставот. Иконата на стилот, која ја обожаваше целиот свет, трагично загина на 31 август 1997 година.
Леди Ди своите родендени ги славела сама бидејќи така сакала, но цвеќиња и честитки добивала од сите страни на светот. Секогаш претпочитала да ги слави родендените на другите луѓе отколку своите, а им возвраќала на сите честитки што ги добивала. Самата себеси ја пеела „Нека ми е среќен роденденот“ преку телефон на своите блиски пријатели.
На нејзиниот последен 36-ти роденден, само до пладне добила повеќе од 300 честитки и 70 букети. Откако цел ден примала цвеќиња, принцезата добила фустан од дизајнерот Жак Азагури, прочуената црна тоалета украсена со мониста.
Додворувачи од целиот свет
Во тоа време, имала и многу додворувачи, а еден од нив бил американскиот милијардер и тајкун Теди Фростман. Тој ја запросил, а со години ѝ испраќал букети еднаш неделно. Се зборувало дека сакал да ја ожени за да може да се кандидира за американски претседател, но принцезата го одбила. Кога дознал дека Дијана е во врска со Доди ал Фајед, Фростман ѝ се јавил и на шега ѝ рекол дека ќе се фрли од мостот во Бруклин.
Еден од букетите за нејзиниот 36-ти роденден пристигнал и од Дејвид Танг, претприемач од Хонг Конг, кој со години бил пријател со неа и со принцот Чарлс. Принцезата Дијана добила цвеќе и од Доналд Трамп и од многубројни светски познати луѓе што во тоа време ѝ се додворувале.
Таа вечер принцезата била почесна гостинка на хуманитарен настан и, воедно, на прославата на 100-годишнината од галеријата „Тејт“ во Лондон, каде што ги маѓепсала сите со блескавиот фустан на Азагури и со дијамантски чокер, а нејзините обожаватели го преполниле влезот за да ѝ врачат уште цвеќиња по повод роденденот.
На прославата присуствувале неколку членови на кралското семејство и познати личности како Иман и Стив Мартин, како и братот на Дијана, Ерл Спенсер.
Тој се присетил на таа средба, за која не ни помислувал дека е нивна последна, за време на говорот на нејзиниот погреб, само два месеца подоцна.
„Последен пат ја видов Дијана на 1 јули, на нејзиниот роденден во Лондон, кога, како и обично, не го прослави својот посебен ден со пријателите, туку беше почесна гостинка на добротворниот настан. Таа блескаше, секако“, рекол скршениот Чарлс Спенсер.
Прочитајте повеќе:
Принцот Хари за децата на брат му: Барем едно од нив ќе биде резерва како мене
