Денеска на ЕП, во фокусот големото дерби Хрватска – Франција
Денеска започнува 15. по ред Европското првенство кое ќе се игра во Унгарија и Словачка, а на кое учесник е и ракометната репрезентација на Македонија. Ова ќе биде седми настап на „црвено-жолтите“ на континенталните собири, а вечерва од 18 часот во рамки на првото коло играат против добро познат противник, Словенија.
Дерби на првиот ден ќе биде дуелот помеѓу големите ривали Хрватска и Франција. И двете репрезентации имаа големи проблеми во текот на подготовките, но „коцкестите“ во последен момент добија добри вести, Домагој Дувњак и Лука Дувњак и на Циндриќ добија по два негативни теста и се упатија кон Сегедин и се очекува да бидат во тимот на Хрватска за дуелот со големиот противник.
Актуелниот шампион Шпанија одбраната на трофејот ќе ја започне против Чешка, а од останатите конкуренти за медал Данска е голем фаворит против десеткуваната Црна Гора, Шведска против БиХ, како и Норвешка против Словачка, и Унгарија против Холандија.
Група А
Македонија – Словенија (18 ч.)
Данска – Црна Гора (20.30)
Група Б
Унгарија – Холандија (20.30)
Група Ц
Србија – Украина (18)
Хрватска – Франција (20.30)
Група Е
Шпанија – Чешка (18)
Шведска – БиХ (20.30)
Група Ф
Русија – Литванија (18)
Норвешка – Словачка (20.30)