Немирите избувнаа во Атланта, САД, откако градоначалничката Кејша Ленс Ботомс, рече дека ја прифатила оставка на началничката на полицијата Ерика Шилдс, за смртта на 27-годишниот Рејшард Брукс.

Сликите на локалната телевизија го покажаа ресторанот во оган повеќе од 45 минути пред да пристигнат пожарникарите.

Другите демонстранти излегоа на автопатот и го запреа сообраќајот пред полицијата да постави автомобили за да ги запре. И двајцата полицајци , кои го застрелаа Афроамериканецот, биле белци.

Брукс бил татко на ќерка која го прославила својот роденден во саботата, рекоа неговите адвокати. Неговата смрт од полициски куршум дојде по повеќе од две недели демонстрации во поголемите градови во САД поради смртта на 46-годишниот Џорџ Флојд, кој почина на 25 мај под коленото на полициски службеник во Минеаполис.

Стотици граѓани на Атланта повикаа полициските службеници да бидат обвинети за случајот.

Полицијата дошла откако им било кажано дека Брукс заспал во автомобил паркиран во патека што води кон ресторанот. Полицијата неуспешно се обидувала да го тестира за алкохол, а потоа да го уапси.

Главниот јавен обвинител на Фултон, Пол Хауард Џуниор, рече дека неговата канцеларија „веќе започнала интензивна, независна истрага за инцидентот“, додека ги чекаат наодите од Државното биро за истраги (ФБИ).