Дејан Бодирога и официјално е новиот претседател на Евролигата, а ќе ја извршува и функцијата директор на натпреварувањето.

Евролигата објави дека влегува во нова ера со Бодирога кој сега ќе биде нејзин прв човек наместо Жорди Бертомеу.

Легендарниот српски кошаркар во својата кариера трипати ја освојуваше Евролигата (двапати со Панатинаикос и еднаш со Барселона), имаше број индивидуални награди и важи за еден од најдобрите европски играчи во историјата.

За потсетување, најголемите српски кошаркарски клубови Црвена звезда и Партизан следната сезона ќе играат во Евролигата.

– Влегуваме во нова ера на Евролигата. Во текот на изминатите 20 години, елитното европско кошаркарско натпреварување стана сила во глобалниот спорт. Би сакал да му се заблагодарам на Жорди Бертомеу и неговиот тим за нивната визија и напорна работа и со нетрпение очекувам да продолжам да го проширувам влијанието на Евролигата и Еврокупот – вели Бодирога.