Данска го освои бронзениот медал на Светското ракометно првенство
На последниот ден од Светското ракометно првенство во женска сениорска конкуренција во Шпанија, поточно во Гранољерс репрезентацијата на Данска го освои третото место.
Данските ракометарки во „малото финале“ за бронзениот медал успеа да ја совлада шпанската селекција со 35:28 (16:13). Во првото полувреме домашната репрезентација беше порамноправна, имаше успешен старт со предност од 2:0, потоа и минимално водеше неколку пати.
При нерешени 10:10 на семафорот, до паузата Данска успеа да направи серија од 6:3. Во вториот дел низата продолжи со уште три погодоци и тука веќе се најавуваше дека скандинавскиот претставник сигурно оди кон победата.
Разликата постепено растеше, највисоката изнесуваше „плус девет“ (31:22, 34:25) и до крајот само рутински се одработуваше задачата.
Бургаард со седум и Јоргенсен со шест голови беа најефикасни за победничката страна, а во поразените редови шест погодоци запиша Мартин, а еден помалку Кампос.
За Данска ова е трета мундијалска бронза во нејзината историја, претходно истиот успех го имаше во 1995 и 2013 година.