Глумецот Тимоти Шаламе предизвика вистинска бурa со својот коментар за операта и балетот, а реакциите на социјалните мрежи не престануваат. Последни се огласија водителките на емисијата „The View“, Вупи Голдберг и Сани Хостин, а многумина сметаат дека ваквите изјави би можеле негативно да влијаат на шансите на Шаламе за Оскар.

Timothée Chalamet was slammed on “The View” for dissing opera and ballet, with Sunny Hostin saying: “I’m offended and disappointed. I didn’t realize he was that vapid and that shallow.”

Whoopi Goldberg added: “You come from a dance family, so when you crap on somebody else’s art… pic.twitter.com/vNfreD7sx5

— Variety (@Variety) March 9, 2026

За време на разговор со Метју Меконахи на настан организиран од „Си-ен-ен“ и „Вараети“, Шаламе зборуваше за иднината на кината и за тоа како да се привлече публиката. Во тој контекст, тој рече дека не би сакал да работи во области како балетот или операта, бидејќи понекогаш изгледа како луѓето да се обидуваат „да одржат нешто живо иако никој повеќе не се грижи за тоа“. Дел од публиката реагираше со смеа, но голем број други беа навредени.

Многу негови колеги, како и луѓе кои се занимаваат со овие уметнички дисциплини, го критикуваа поради неговите површни ставови. Сани Хостин ги нарече неговите коментари „површни и празни“, нагласувајќи дека е разочарана бидејќи самата е поврзана со танцовата заедница. Вупи Голдберг исто така реагираше, предупредувајќи го дека таквите изјави можат да бидат навредливи за оние кои го посветиле својот живот на овие уметности.

Дали ова ќе му ја одземе шансата за Оскар? Шаламе неодамна важеше за холивудски „златен дечко“ и беше еден од фаворитите за престижната награда оваа недела. Неговата изјава дека „никому веќе не му е грижа“ за балетот и операта очигледно предизвика поголемо внимание од очекуваното.

Медиумот „The Spill“ дури ја нарече својата нова епизода „Зошто официјално завршивме со Тимоти Шаламе?“ и постави прашање: „Дали е официјално крај на ерата на Шаламе?“

It’s impressive how fast Timothée Chalamet went from Hollywood’s most exciting young actor to one of its most arrogant and unlikable figures.pic.twitter.com/GBL7o2frgb

— Films to Films (@filmstofilms_) March 6, 2026

Сепак, Алекс Ритман, шеф на лондонската редакција на „Вараети“, изјави за „Би-би-си“ дека контроверзата кулминирала по завршувањето на гласањето за Оскар, па веројатно нема да има големо влијание врз исходот. Исто така, Шаламе веќе се соочи со неуспех на доделувањата на BAFTA и Actors Awards, што ја намали неговата предност.

Негови конкуренти во трката за наградата се: Мајкл Б. Џордан („Sinners“), Леонардо ДиКаприо („One Battle After Another“), Итaн Хоук („Blue Moon“) и Вагнер Мура („The Secret Agent“).

Јавниот углед на Шаламе е на удар, а неговата желба да стане „еден од големите“ наведе дел од фановите да посакуваат повеќе дискретност. Сепак, други ја ценат неговата отвореност и велат дека и другите холивудски ѕвезди треба да бидат искрени за своите цели.