Вицепремиерот и министер за внатрешни работи Ивица Дачиќ е на интензивна нега на Клиниката за пулмологија на Клиничкиот центар на Србија, каде што е поврзан со механичка вентилација. Неговата борба со тешка билатерална пневмонија продолжува, но она што ја комплицира клиничката слика се некои коморбидитети што ги има, објави утрово „Блиц“.

Неговата состојба е дополнително комплицирана од хронични заболувања, вклучувајќи дијабетес и срцеви проблеми, кои се опасни по живот.

Докторот Спасоје Попевиќ, кој ја следи состојбата на Дачиќ, утрово изјави дека тој засега е стабилен, но дека и натаму борбата продолжува.

„Мерките за интензивна нега продолжуваат. Засега е стабилен, мирно ја помина ноќта“, изјави помошникот-директор на Клиниката за пулмологија, Спасоје Попевиќ, во изјава за новинарите пред Клиниката за пулмологија, каде што е хоспитализиран Дачиќ, пренесе РТС.

Докторот рече дека ќе ја информира јавноста за нови информации за здравствената состојба на Ивица Дачиќ во 17 часот.

Министерот за внатрешни работи и претседател на СПС, Ивица Дачиќ, во средата беше итно хоспитализиран на Клиниката за пулмологија на Универзитетскиот клинички центар на Србија, поради тешка билатерална пневмонија.

Претседателот на Србија, Александар Вучиќ, вчера го посети 60-годишниот Дачиќ во болница пред да замине за Казахстан.

Дачиќ вечерва е итно примен во болница, го ставиле на апарати