ЦСКА Софија не сака да игра во Скопје против Македонија ЃП!?
Како што е веќе познато, само 60 билети Македонија ЃП ѝ доделува на ЦСКА за првиот натпревар од второто квалификациско коло во Лигата на конференции.
А како што наведуваат бугарските медиуми причината поради тоа е препораката од локалните власти со оглед на односите меѓу двете земји и протестите кои се водат во Скопје.
Бугарите прашуваат дали воопшто треба првиот натпревар (21 јули) од овој двомеч да се игра во нашиот главен град.
Европската фудбалска куќа (УЕФА) има практика брзо да реагира при политички тензии и да ги испраќа натпреварите на неутрални терени. Во конкретниот случај, дури и ова е повеќе од погодно, бидејќи српскиот град Ниш е блиску до двата главни града.
Во последните години, УЕФА не дозволува да се сретнат меѓу себе клубови од Ерменија и Азербејџан, како и од Русија и Украина да се сретнат во УЕФА натпреварувањата.
Доколку ЦСКА Софија ја контактираат УЕФА за проблемот, голема е веројатноста Нион да направи промена. Според Бугарите ова не важи за реваншот на 28 јули, бидејќи во Софија нема слични чувства.