ЦСКА Москва и Емил Рајковиќ без финале во ВТБ лигата
Кошаркарите на Локомотив Кубањ непријатно го изненадија фаворитот ЦСКА Москва во седмиот решавачки натпревар од полуфиналниот плеј-оф во ВТБ лигата и се пласираа во финалето на националниот шампионат.
ЦСКА Москва предводена од македонскиот тренер Емил Рајковиќ загуби во „мајсторката“ со 103:100 по едно одиграно продолжение.
Играчите на ЦСКА Москва после првото полувреме со 47:39, го контролираа резултатот и во третата четвртина по која исто така имаа „плус осум“ позитива (68:60), но во последниот период се врати Локомотив Кубањ кој се избори за продолжение кое го доби со 18:15.
Во победничките редови истакна Окаро Вајт со 21 поен, а на спротивната страна Швед се истакна со 22.
Локомотив Кубањ во финалето ќе игра против Зенит или Уникс Казан на нашиот репрезентативец Ненад Димитријевиќ. И овие две екипи ќе играат седми решавачки меч во вторник.