Советникот на коалицијата „За иднината на Подгорица“ во Советот на црногорскиот главен град и функционер на партијата Обединета Црна Гора, Миливоје Брковиќ, е тешко повреден откако бил брутално претепан во Подгорица, јавија црногорските медиуми.

При нападот, на Брковиќ му била скршена вилицата со метален предмет, а поради сериозноста на повредите бил хоспитализиран и го очекува хируршка интервенција.

Брковиќ за локалните медиуми изјавил дека инцидентот се случил на Булеварот на револуцијата околу полноќ, а претходно забележал две возила кои се движеле паралелно и го блокирале коловозот, по што едното возило застанало на проширување покрај патот.

Тој тврди дека во автомобилот имало жена која ја познавал од претходно како политички активист и дека таа побарала помош, тврдејќи дека е следена од човекот во другото возило.

„Кога излегов од автомобилот, еден ме препозна и веднаш потоа добив удар со тврд предмет во пределот на брадата. Паднав и ја изгубив свеста, а нападот продолжи со удари по главата“, изјавил Брковиќ.

Според медиумските информации, во нападот учествувал маж од Подгорица кој им е познат на безбедносните служби.

Засега не се знаат мотивите за насилството.

Уапсен е Русин во Црна Гора: Злоупотребувал девојче, насила го држел во стан