„Новиот“ Рафаел Надал токму на теренот на неговиот идол успеа да направи историја и така влезе во Топ 10 на АТП листата.

Карлос Алкараз кој има само 18 години и веќе му предвидуваат голема тениска кариера, се закити со освои титулата во Барселона, Шпанија.

На турнирот кој го носи името „Рафа Надал“ младиот Шпанец денеска мораше да оствари две победи за да стигне до трофејот.

Најпрвин во полуфиналето, во кое спасуваше две меч топки, го совлада Австралиецот Алекс де Минаур со 6:7 (4), 7:6 (4) и 6:4 за нешто повеќе од три и пол часа игра.

Немаше многу време за одмор, па за неколку часа му следуваше финалната борба во која го совлада неговиот сонародник Пабло Карењо-Буста со 2:0 во сетови 6:3 и 6:2 за еден час и седум минути игра.

Алкараз во понеделник (25 април), во денот кога ќе поминат точно 17 години откако Надал истото го направи, односно за првпат во кариерата биде во Топ 10 на АТП листата.