Демократска Република Конго повторно е на удар на ебола, откако бројот на потврдени случаи се искачи на 1.307, соопштија тамошните власти.

Според официјалните податоци објавени доцна во понеделникот, досега од последиците на болеста починале 377 лица.

Како што пренесува Ројтерс, случаи на ебола се регистрирани во три провинции – Итури, Северен Киву и Јужен Киву.

Генералниот директор на Светската здравствена организација, Тедрос Аданом Гебрејесус, изјави дека ризикот од натамошно меѓународно ширење засега се оценува како низок.

И покрај тоа, тој предупреди дека состојбата мора внимателно да се следи и дека е потребна постојана будност, имајќи ја предвид сериозноста на болеста и можноста таа дополнително да се прошири.

Еболата е тешка и често смртоносна заразна болест. Се пренесува преку директен контакт со телесни течности на заразено лице или животно.

Кенија ја запре изградбата на контроверзниот карантински објект за Американци заразени со ебола