Пороен налет на вода и кал синоќа исфрлил автобус од пат во австриската долина Штанцертал. Во возилото биле возачот и тројца патници, а сите четворица биле спасени од пожарникари, објави Хеуте.

Gestern gab es den ersten von drei Unwettertagen.
Bei Schnann (T) wurde ein Bus von einer Mure mitgerissen.
Hagel gab es etwa im Raum Zwettl (NÖ).
Und in Vöcklabruck (OÖ) gab es neben 96 km/h Sturmböen auch Überflutungen im Stadtzentrum.
🎥 Dominik Mair, Wetter-Hausruckviertel pic.twitter.com/MeMquxWpXf

— Manuel Oberhuber (@manu_oberhuber) June 30, 2026

Невремето, проследено со обилни дождови, предизвикало повеќе одрони околу 20:20 часот во понеделникот. Камења и кал завршиле на патиштата Б171 и Л68, а на делницата меѓу Шнан и Флирш порој однел редовен автобус што се движел низ долината.

Водата и калта од потокот Хое Рифе на коловозот достигнале висина од околу 80 сантиметри и навлегле во автобусот. Пожарникарите потоа морале да ги извлечат 49-годишниот возач и тројцата патници.

Патниците, 31-годишен маж од Иран, 39-годишна жена и 14-годишно девојче од Австрија, не биле повредени. Возачот, пак, со возило на брза помош бил пренесен во болница во Замс, со повреди чија тежина не е позната.

Општинскиот пат и патот Л68 останале затворени во текот на ноќта. Пристапот до куќите во областа бил овозможен од 21:30 часот преку заобиколен правец преку автопатот С16. Патот Б171 бил расчистен и повторно отворен за сообраќај до 22:20 часот.

По дополнителна проценка на состојбата, во текот на денот треба да биде вклучена и тешка механизација за расчистување на теренот.

ВИДЕО | Невреме во Далмација — громови предизвикаа пожари