Речиси пет години по заминувањето од функцијата, поранешната германска канцеларка Ангела Меркел доби официјален портрет, кој ќе биде претставен во берлинскиот музеј Боде, на Музејскиот остров, пренесе Јаху.

Делото е на малку познатиот уметник Жереми Кејрас. Портретот од вторник ќе биде изложен во Музејот Боде, каде што ќе остане три месеци, а подоцна годинава треба да биде преместен во канцеларијата на германскиот канцелар.

Меркел, во неодамнешно интервју за весникот „Ди Цајт“, скромно го прокоментира моментот.

„Чудно е кога полека станувате дел од историјата“, изјави таа.

На првиот кат во канцеларијата на канцеларот се наоѓаат портрети на сите германски канцелари. Меѓу нив е и портретот на Герхард Шредер, кој во 2007 година го насликал Јерг Имендорф.

Со портретот на Ангела Меркел, во серијата засега недостасува уште портретот на Олаф Шолц. Од неговата канцеларија соопштиле дека сè уште не е избран уметникот што ќе го изработи.

ЕУ не го прифаќа Шредер за посредник во разговори со Кремљ, го смета за лобист на руски државни компании