По речиси седум години целосна изолација и без одигран ниту еден натпревар, фудбалската репрезентација на Еритреја конечно се враќа на меѓународната сцена.

Оваа африканска селекција беше единствената членка на ФИФА без официјален пласман на светската ранг-листа, откако со години одбиваше да настапува на меѓународни натпревари, иако формално имаше право на учество. Во тој период, Еритреја не беше дел од ниту едно официјално натпреварување, што претставува редок и необичен случај во светскиот фудбал.

Причината за ваквата одлука е крајно необична, фудбалската федерација на земјата намерно ги избегнуваше гостувањата во странство, стравувајќи дека фудбалерите би можеле да ги искористат тие патувања за бегство од државата и барање политички азил.

🇪🇷 Eritrea, the only FIFA country that did not enter 2026 World Cup qualification, have announced they will take part in qualification for AFCON 2027.

Eritrea have not been permitted to play an official match for over six years by the country’s repressive regime, which deems the… pic.twitter.com/9CIXL1WFcz

— The Sweeper (@SweeperPod) January 8, 2026

Поради долгата неактивност, Еритреја го загуби своето место на ФИФА-ранг листата, со оглед на правилото според кое селекција што 48 месеци не одигра официјален натпревар автоматски се брише од листата. Последниот настап на репрезентацијата датира од 2019 година, кога беше поразена со 3-0 на гостувањето кај Уганда.

Сега, по речиси седумгодишна пауза, од Еритреја официјално потврдија дека се враќаат на меѓународните натпреварувања, а првото појавување ќе го имаат во квалификациите за Африканскиот куп на нации во 2027 година.