Чантурија една година во Металург
После девет години искусниот играч Чантурија се враќа во Автокоманда, каде и ја започна својата интернационална кариера.
Потсетување дека дресот на „сино-белите“ за првпат го облече во 2004 година од екипата на Шевардени од Тбилиси и остана во текот на следните шест сезони.
По Металург, Чантурија беше и дел од екипите на Вардар, Зомимак, Пелистер и Струга. Искусниот Грузиец, кој има и македонско државјанство, со Металург потпиша договор на една година.
Под водство на тренерот Дамир Стојановиќ, подготовките за новата сезона ќе ги почне на 25 или 26 јули.
Неколку дена пред и после Илинден, играчите ќе тренираат во Автокоманда, а потоа ќе замине за Копаоник, каде од 6 до 12 август со висински и базични подготовки.