Македонскиот шоумен, актер и музичар Игор Џамбазов години наназад го посетува Скопје само доколку така налагаат работните обврски: театарски претстави, концерти или снимања. Неговиот „вистински“ дом и мир се во Дојран, каде уредувањето на неговата нова куќа е во завршна фаза.

Со последната објава на социјалните мрежи Игор сподели фотографија директно од прозорецот на својата вила, откривајќи го величествениот поглед кој набрзо ќе му стане секојдневие.

„Уште малку, и ова ќе ми биде секојдневие. Погледот од дневната е величествен. Целото езеро на дланка … таман за пензионерските денови кои доаѓаат … Ар ју хепи фор ми? (Среќни сте за мене?)“, напиша Џамбазов под фотографијата.

 

View this post on Instagram

 

A post shared by Igor Djambazov (@igordzambazov)

Куќата се наоѓа во прекрасниот дел на Стар Дојран, а ја проектираше неговата сестра, познатата архитектка Татјана Џамбазова, заедно со нејзината колешка. Короната и одредените животни неорилики малку го забавија процесот околу изградбата, сепак, финалните уредувања се речиси готови.

Игор не крие дека токму крај езерото ја пронашол својата трета младост и мирот кој долго го посакувал. Неговата дневна рутина почнува многу рано, помеѓу 4 и 5 часот наутро, кога има привилегија да го гледа Дојран во неговото најубаво и најмирно издание. Друштво во секојдневието му прави неговата кучка Ферхунде, која ја вдоми минатата година и за која вели дека му ја пополнила самотијата во вистинско време.

На само неколку години пред официјалното пензионирање, Џамбазов ужива во секој момент поминат во неговиот „златен Дојран“, а судејќи по погледот од дневната соба, пензионерските денови ќе му бидат навистина фантастични.

ФОТО+ ВИДЕО | Поглед вреден „милион долари“: Игор Џамбазов откри дел од идиличниот дом во Дојран

Игор Џамбазов доживеа уште еден „стрес“: Ферхунде не запира и овој пат уништи нешто вредно