Екипата на Бутел продолжува со ангажирање на нови ракометари за новата сезона и најново засилување е левиот бек Христијан Милошевски. Младиот 20-годишен ракометар минатата сезона настапуваше за екипата на Работнички, а има играно и за вториот тим на Вардар.

– Сакам да изразам благодарност до Бутел за укажаната можност. Среќен сум што во наредните години ќе го носам дресот на овој тим, но исто така и среќен што ќе соработувам со одличен тренер и одлични, искусни играчи. Своето претходно искуство ќе го искористам најдобро што можам, но и ќе работам напорно за што е можно повеќе да се надоградам како ракометар. Се надевам дека ќе добијам шанса да се докажам, да ги исполнам очекувањата и достојно да го претставиме Бутел во Купот на ЕХФ и во домашните натпреварувања – изјави Милошески.