Косовската министерка за финансии, Хикмете Бајрами информира дека се водат интензивни преговори со Светска банка за вклучување во проект за набавка и финансирање на вакцината за ковид-19 што се појави.

Бајрами ја сподели информацијата на прес-конференција по денешната седница на Владата на која беше усвоен и Буџетот на државата за 2021 година во висина од 2,4 милијарди евра.

– Во интензивни преговори сме со Светска банка со цел да се вклучиме во проект на набавка и финансирање на вакцина против ковид-19 и уверени сме дека ќе бидеме меѓу првите земји кои ќе ја добијат вакцината штом се појави. Овие предвидувања се засновани на актуелната ситуација, изјави Бајрами.

Таа апелира граѓаните да ги почитуваат мерките за спречување на ширењето на епидемијата на коронавирусот, предупредувајќи дека ново затворање на земјата би било фатално за економијата.