Кесадиљите се незаменливи на секоја мексиканска трпеза и во секој мексикански ресторан. Буквално со неколку состојки кои ги имате дома, можете да наполните тортиљи и да имате добар оброк. Овој рецепт за кесадиљи со кашкавал и пилешко веќе стана класика.

Главната работа кај ова јадење е што мора да се јаде веднаш, додека се топли и крцкави, бидејќи брзо се ладат и немаат целосен вкус.

Состојки:

– 4 тортиљи
– 1 пилешко филе
– 300 г сирење
– 2 лажици маслиново масло
– мелена црвена пиперка
– сол, бибер

Подготовка:

Пилешкото филе исечете го на ленти, зачинете го, па пропржете го на маслиново масло од сите страни додека не добие румена кора. Во чиста тава ставете тортиља, посипете по неа еден дел од ренданиот кашкавал, ставете малку месо, одозгора повторно кашкавал, па покријте со друга тортиља.

Печете околу 5 минути додека долната тортиља убаво не се запече и се растопи кашкавалот, па внимателно превртете и печете од другата страна. Повторете ја постапката и со останатиот материјал.

Тортиљите исечете ги на 4 дела и јадете ги додека се топли. По желба можете да додадете кечап или мајонез како прилог.