Брестовац го повика Георгиевски за дуелите со Финска и Швајцарија
Десното крило Гоце Георгиевски ќе биде на подготовките на сениорската репрезентација на Македонија за дуелите со Финска и Швајцарија во квалификациите за пласман на ЕП 2022.
Тој доби дополнителна покана од селекторот Данило Брестовац и од вечерва се приклучува на соиграчите во националниот тим. Тој е вкупно петтиот ракометар од РК Вардар 1961 кој е повикан во националната селекција после Стоилов, Кизиќ, Мишевски и Талески.
Со своите национални репрезентации, Хрватска и Германија, се Иван Чупиќ и Кристијан Дисингер. Патрик Валчак и Марко Вујин остануваат во Скопје, бидејќи Полска и Србија ги откажаа своите собири и планирани натпревари.
Георгиевски е стандарден член на репрезентацијата играјќи на последните големи натпреварувања во серија.
Македонија ќе игра против Финска на 4 ноември во 20.00 часот во СЦ „Борис Трајковски” – Скопје, а потоа на 7 ноември гостуваме кај Швајцарија.