Одбојкарите на Русија односно на Рускиот олимиски комитет се пласираа во финалето на олимпискиот турнир откако во полуфиналето беа подобри од Бразил со 3:1 во сетови и тоа 18:25,25:21,26;24,25:23.
Руските одбојкари ќе играат за златниот медал прв пат од 2012 година кога и триумфираа на Игрите во Лондон, додека Бразил кој во Токио ја бранеше титулата освоена на претходните ОИ во Рио де Жанеиро остана без круната и ќе игра за бронзениот медал.

ББразилците подобро го отворија натпреварот, блокот функционираше одлично и поведоа со 17:12 по што рутински го освоија првиот сет. Русите возвратија во вториот, поведоа со 11:5 и не им дозволија на Бразилците да се вратат во игра. Во третиот сет, подобар беше Бразил кој поведе со 13:20, но Русите благодарение на одличните сервиси успеаја да се вратат во игра и во возбудлива завршица да го освојат сетот со 26:24.

И во четвртиот сет, Русите беа подобри кога беше најпотребно, во самата завршица, при резултат 18:18 во наредниот период се играше поен за поен. Така беше се до 22:22 кога Русија освои два поени по ред и потоа ја искористи втората меч топка за пласман во финалето.

Со 22 освоени поени блескаше Максим Михајлов, Егор Кљука освои 15, а Иван Јаковлев 12 поени. На спротивната страна најрасположени за игра беа Јоанди Леал со 18, Лукас Сатамп со 13 и Салас де Соуса со 11 поени.
Во второто полуфинале кое ќе се игра од 14 часот, се среќаваат Франција и Аргентина.