БРАВО: Македонската џудистка Ива Богдановска со сребрен медал на Континенталниот куп во Тунис
![](https://www.slobodenpecat.mk/wp-content/uploads/2024/02/џудо-2.jpg)
На континенталниот куп за кадети во џудо кој се одржа во Тунис на 9 февруари учествуваа македонските кадетски репрезентативки Георгина Блажеска (-48 кг.) и Ива Богдановска (-63 кг.)
Богдановска во својата категорија забележа три победи и еден пораз и така успеа да го освои сребрениот медал. Резултати на следниот линк ТУКА
Нашата натпреварувачка триумфираше против Јихен Чуари од Тунис, Мерием Ламис Бенатба Атба од Алжир и Амина Абука од Мароко, а во финалето загуби од Рахма Гуерфауи од Алжир.
Блажеска го имаше својот настап во нејзината категорија каде беше поразена од Тунижанката Нарјес Хадеџи.
Нашите џудистки беа предводени од нивниот тренер, воедно и селектор на кадетската репрезентација, Игор Паскоски.
На овој куп имаше натпреварувачи од Алжир, Тунис, Саудиска Арабија, Македонија, Литванија, Мароко и Хонг Конг, Кина.