Божиќ Павлетиќ: Е. Пелистер расте секоја година, ги има сите предуслови за одлична сезона
Е. Пелистер ги промовира новите засилувања пред стартот на следната сезона, во составот на Жељко Бабиќ пристигна хрватското десно крило Јосип Божиќ Павлетиќ.
Битолчани на позицијата десно крило ќе го има и македонскиот репрезентативец Ненад Костески.
Божиќ Павлетиќ вели дека мора да се размислува од натпревар во натпревар и дека против секого екипата ќе оди на победа.
– Повикот на Бабиќ дојде случајно. Доаѓањето во овој клуб го гледам како напредок во мојата кариера. Клубот е амбициозен, расте секоја година и мислам дека ги имаме сите предуслови за одлична сезона.
Кратка беше мојата пауза. Бундеслигата траеше скоро до 1 јули. Но, не се жалам. Професионалец сум и одиме понатаму. Ни следат многу натпревари, ќе има минутажа за секого. Мораме да размислуваме натпревар по натпревар, против секого да играме на победа, па ќе видиме каде ќе дојдеме – вели Божиќ Павлетиќ.
Како што е веќе познато, во тимот на Е. Пелистер дојдоа: Реиние Табаода (Данкерк), Јосип Божиќ-Павлетиќ (Гепинген), Филип Ивановски (Еурофарм Пелистер 2), Мартон Секељи (Порто), Немања Обрадовиќ (ППД Загреб) и Марко Кизиќ (Вардар 1961).