Ботас ја искористи казната на Хамилтон за пол-позиција во Бразил
Во саботата на патеката „Интерлагос“ во Сао Паоло се одржа квалификацискиот спринт пред трката за Големата награда на Бразил во Формула 1 шампионатот. Најбрз по 24 круга беше возачот на „Мерцедес“, Валтери Ботас, кој го престигна Макс Ферстапен на стартот и по вторпат во кариерата триумфираше на спринт трката и на тој начин стигна до пол-позицијата.
Ботас воедно доби и три бода, а бодови во квалификациите освоија и Макс Ферстапен (2) и Карлос Саинс од Ферари (1).
Луис Хамилтон во недела ќе стартува од 10 позиција – во спринтот беше петти, но претходно беше казнет со пет места поради промена на делови на моторот. Времето кое му требаше на Финецот Ботас да победи во спринтот беше 29:09.559, а Ферстапен стигна на целта со 1,170 сек. заостанување.
На четвртата позиција се најде тимскиот колега на Ферстапен, Серхио Перес, а Хамилтон со одлично возење успеа да се пробие од последната на петтата позиција. Последниот возач кој го престигна офанзивниот Хамилтон беше шестопласираниот Ландо Норис, а во првите 10 се најдоа уште Шарл Леклер, Пјер Гасли, Естебан Окон и Себастијан Фетел.
Solid defence from @ValtteriBottas 🛡
All-out attack from @LewisHamilton ⚔️#BrazilGP 🇧🇷 #F1Sprint pic.twitter.com/20x2Fa6Tk2— Formula 1 (@F1) November 13, 2021
Ова беше 20 пол-позиција во кариерата за Ботас, кој в недела ќе се бори во Сао Паоло за да стигне до 11 победа во кариерата. Но, најголем број фанови ќе бидат заинтересирани за пресметката на двајцата кандидати за титулата Ф1 шампион – првопласираниот во генералниот пласман на Ферстапен и актуелниот шампион Хамилтон.
На четири трки пред крајот на шампионатот лидер е Ферстапен со 314,5 бодови, Хамилтон има 293,5. Трката за ГП на Бразил ќе се вози в недела од 18.00 часот.
Valtteri Bottas wins his second #F1Sprint!
He took the lead ahead of Max Verstappen from lights out and held him off to take the 🏁#BrazilGP 🇧🇷 #F1 pic.twitter.com/Xf3aKsVomR
— Formula 1 (@F1) November 13, 2021