Стопанственикот Горан Рафајловски во синоќешното издание на емисијата „Бизнис 21“ на телевизијата „21“ изнесе мислење за висината на платите на функционерите. Тој рече дека министерските плати треба да бидат многу повисоки, и со тоа да се сопре со темата колкави се платите на политичарите.

„Мора да се сопре со тоа колкави се платите со политичарите. Ако сакате да нема крадење, тогаш треба да се платат. И да има награда ако донесе некоја голема инвестација и да сработи цел проект, да има награда… Па и милијарда евра да донесе, да му се даде награда. А платите… Е, сега многу ќе ме плукаат, но според мене, не смеат да бидат помали од 10.000 евра“, вели Рафајловски, појаснувајќи дека мисли на платите во владиниот кабинет.

„На министрите. Но, ако краде, ако е коруптивен, тогаш минимум 20 години затвор. Ќе видите дека државата ќе има помал трошок“, додаде Рафајловски.

Тој во истата емисија оцени и дека премиерот Христијан Мицкоски има искрена желба и визија за напредокот на Македонија, но и дека тимот што го избрал нема капацитет да ги изврши работите.

Мицкоски има силна и искрена желба, но тимот не му е добар, смета бизнисменот Рафајловски