Фудбалерите на Евертон и Вулверхемптон одиграа 1-1 во рамките на 21. коло во англиската Премиер лига, но во дуелот на „Хил Дикинсон“ видовме и две исклучувања.

Евертон поведе уште во 17. минута преку Мајкл Кин и ја чуваше предноста сè до 69. минута, кога Матеус Мане донесе израмнување за гостите и го постави конечниот резултат. Сепак, стрелецот на водечкиот гол од херој прерасна во трагичар во 83. минута. По еден воздушен дуел со Арокодаре, дефанзивецот на Евертон при доскокот неспортски го повлече противникот за коса. По реакцијата на ВАР-собата, судијата без двоумење му покажа директен црвен картон, и покрај бурните протести на искусниот стопер.

Станува збор за еден од најбизарните потези оваа сезона, а иронијата е уште поголема ако се знае дека Кин неодамна беше жртва на сличен инцидент, кога на мечот против Манчестер јунајтед негов соиграч и капитен, Идриса Гана Геј, се обиде физички да се пресмета со него.

За хаосот кај домашниот состав да биде целосен, во самата завршница црвен картон заработи и Џек Грилиш поради исмејување на судијата. И покрај тоа што останаа со само деветмина на теренот, фудбалерите на Евертон издржаа до крајот и сепак успеаја да освојат еден бод.

This is the most ridiculous red card ever in the Premier League .. Michael Keane sent off for violent conduct !!! 😱 .. He put his hands on the back of a Wolves defender who has long hair .. Very wrong decision in my view by newest referee Tom Kirk .. @Everton are Magic .. pic.twitter.com/14tSDxTqZk

— Mike Parry (@mikeparry8) January 7, 2026