Битолска млекара со донација за Министерството за здравство
Генералниот директор на „Бимилк”, Ѓорги Петрушев, вели дека донацијата за Министерството за здравство е со цел обезбедување соодветна и функционална апаратура.
Финансистака поддршка на оваа битолска општествено – одговорна компанија ќе биде наменета за помош на ургентните потреби на Министерството за здравство, односно за сервис и репарација на апаратите за респираторна нега, што се потребни на Инфективната клиника во Скопје.
Генералниот директор на „Бимилк”, Ѓорги Петрушев, вели дека донацијата за Министерството за здравство е со цел обезбедување соодветна и функционална апаратура.
-Сите сме свесни дека во овој момент многу е тешко да се набават овие апарати за респираторна нега, па од голема важност е нивното одржување и добро функционирање, со цел да им помогнеме на оние на кои им е најтешко, изјави Петрушев.
Како што информираше МИА, „Бимилк”, со цел да го помогне функционирањето на државните институции, предвремено ја уплати вкупната аконтација на данок на добивка за тековната година во вредност од 15 милиони денари и додели повеќе донации во Битола, Дебар и Центар Жупа.