Вредноста на биткоинот надмина денеска 60.000 долари, со што ја надмина рекордната вредноста на таа криптовалута.

Вредноста на биткоинот на платформата Бинанс скокна за 5,77 отсто и достигна цена од 60.104 долари, пренесува агенцијата РИА новости.

Инаку, од почетокот на годината биткоинот зајакна за 80 отсто, а во последните 12 месеци неговата вредност порасна за 570 отсто.

Кон неговиот вртоглав подем придонесоа неколку фактори, вклучувајќи го и порастот на интересто за институционални инвеститори, како и вложувања на корпорациите како Тесла, Сквер и Мајкростратеџи во оваа криптовалута.

Биткоинот е криптовалута која ја измислила непозната личност или група луѓе во 2008 година, користејќи го името Сатоши Накамото.

Во прашање е децентрализирана дигитална валута без централна банка или претседател, која може да се праќа од еден до друг корисник директно, без посредници, но преку биткоин мрежата.