Денеска од 16.00 часот екипите на Брентфорд и Свонси ќе играат за место во Премиер лигата за следната натпреварувачка сезона 2021/2022.

За овој натпревар кој ќе се игра на „Вембли“ стадионот се вели дека е најскап на светот, бидејќи нејзината вредност се проценува на неверојатни 200 милиони евра!

Брентфорд заврши како третопласиран во Чемпионшип, а до финалето на плеј-офот стигна откако беше подобар во двомечот со Борнмут.

Свонси триумфираше на првиот меч со Барнсли (0:1), а на возвратната пресметка дома ремизираше 1:1.

Во сезоната 2021/2022 се веќе екипите на Арсенал, Астон Вила, Брајтон, Барнли, Челси, Кристал Палас, Евертон, Лидс, Лестер сити, Ливерпул, Манчестер сити, Манчестер јунајтед, Њукасл, Норич, Саутемптон, Тотенхем, Ватфорд, Вест хем и Вулверхемптон.