Безбедни Олимписки игри се невозможна мисија
Хироши Ошитани, најпознатиот јапонски вирусолог смета дека одржувањето на Олимписките игри во Токио претставува огромен ризик поради пандемијата на коронавирусот.
– Ја слушаме Владата, организацискиот комитет и Меѓународниот олимписки комитет кои зборуваат дека ќе имаме безбедни Олимписки игри. Сите знаеме дека тоа не е точно и дека никој не може за време на пандемија да гарантира дека вирусот нема да е шири. Безбедни Олимписки игри се невозможна мисија и ризикот е апсолутно присутен – изјави Ошитани.
Поголем дел од Јапонија сè уште е под вонредна состојба поради пандемијата на коронавирус, а Јапонците имаат се поголем отпор кон одржување на Игрите во Токио.
Досега во Јапонија се регистрирани повеќе од 760.000 случаи на позитивни на коронавирус, додека починати се 13.500 лица.
– Голем проблем претставува и податокот дека во некои држави има мал број на заразени, додека во некои тој број е навистина огромен. Сега повторно ќе бидеме со ситуација во која државите кои се изборија со коронавирусот, повторно да имаат нови случаи – додава Ошитани.