Овој изненадувачки оптимизам од страна на играчот на Милан се темели на влијанието кое врз екипата го има новиот тренер Стефано Пиоли.

Милан е дури на 11 позиција на табелата во Серија А и победи само еднаш откако Пиоли го замени Марко Џампаоло.

Но, Бенасер е оптимист и им се закани на „Бјанконерите“ во пресрет на дербито од најсилното италијанско првенство на 10 ноември на стадионот во Торино.

– Ние сме Милан, а не Лече. Јувентус и Лече завршија нерешено, така што верувам дека можеме триумфираме“ – рече Бенасер кој мисли дека падот на концентрацијата е најголемиот проблем на Милан.

Тимот од Милано има богата традиција и треба да се дава максимум поради фановите, додава Бенасер.

– Доколку треба да ги споредувам тренерите, Пиоли е поблизок со фудбалерите, разговара и кажува точно што очекува од нас на самите натпревари – заврши фудбалерот на Милан.