Бејл конечно си оди од Реал Мадрид и се сели во МЛС Лигата?!
Велшкиот репрезентативец Герет Бејл на лето ќе си замине од Реал Мадрид како слободен играч, но нема да се врати во Премиер лигата или во Кардиф, туку најверојатно кариерата ќе ја продолжи во САД.
Новинарот на „Вашингтон пост“, Стивен Гоф, објави дека Бејл започна преговори со тимот од МЛС лигата Ди Си Јунајтед.
Наводно Ди Си Јунајтед е подготвен да му даде поголема плата од таа што ја имаше една друга голема ѕвезда од англиската Премиер лига, Вејн Руни. Руни во 2018 година си замина од Манчестер јунајтед и за плата од 2.7 милиони долари, се пресели во Ди Си Јунајтед.
D.C. United in talks with Gareth Bale’s reps about move to MLS, I’m told. (They actually spoke months ago but didn’t go anywhere.) Sides exchanging proposals but unclear whether It will pick up speed. DCU prepared to pay more than Wayne Rooney in 2018. Bale leaving Real Madrid.
— Steven Goff (@SoccerInsider) April 21, 2022
Герет Бејл во 2013 година за тогаш рекордни 94 милиони евра од Тотенхем се пресели во Реал Мадрид со кого освои две титули во Ла Лига, четири титули во Лигата на шампионите, три УЕФА Суперкупа, има три триумфи на Светското клупско првенство как и еден Кралски куп.
Но, последните 3-4 сезони Бејл ги помина најчесто на клупата за резервни играчи одбивајќи да си замине од Реал Мадрид пред истекот на договорот според кој имаше 16 милиони евра нето годишна плата.