Барселона веќе пушти во продажба билети за мајското ,,Ел Класико”, иако до дербито има уште неколку месеци. Овој дуел, во рамките на 35. коло, може да биде пресуден во борбата за титулата, бидејќи по него ќе останат само уште три натпревари до крајот на сезоната.

Во моментов во понуда се само ВИП-билетите, по цена од дури 4.000 евра, четирикратно поскапи од стандардните за оваа категорија. За споредба, за мечот со Овиедо тие чинат 1.000 евра, а за дуелот со Копенхаген во Лигата на шампионите околу 1.150 евра.

Овие премиум седишта се веднаш покрај теренот и клупите, а билетите носат и пристап до ВИП-салонот, со врвен кетеринг пред и по натпреварот, како што стои на веб-страницата на каталонскиот клуб.

Точниот датум на одигрување уште не е одреден, се чека дали средбата ќе биде закажана за сабота, 9 мај, или недела, 10 мај, па засега непознато е и времето на почеток. И покрај тоа, Барса реши навреме да ја стартува продажбата.

Преземено  од: Спорт.ком.мк