Барди преку Атлетик Билбао ќе брка финале во Кралскиот куп
Ги дознавме полуфиналните двојки во шпанскиот „Копа дел Реј“, а во оваа фаза Леванте на македонскиот репрезентативец ќе ги одмери силите против Атлетик Билбао.
Во втората полуфинална пресметка Барселона ќе ги одмери силите против Севиља, можеби и двата фаворити за трофејот во ова натпреварување.
Првите натпревари ќе се играат на 10/11 февруари, а реванш дуелите на 3/4 март 2021 година. Финалето ќе се организира на 17 април во Севиља.
Во меѓувреме на 3 април исто така во Севиља ќе се одржи пак финалето за минатата натпреварувачка сезона (2019/20) помеѓу Реал Сосиедад и Атлетик Билбао. Ова завршна битка требаше да се одигра на 18 април 2020 година, но истата беше одложена поради пандемијата на коронавирусот.
Кралски куп 2020/21
Први натпревари, полуфинале
Севиља-Барселона
Атлетик Билбао-Леванте