Возачот на „Дукати“, Франческо Бањаја ја освои пол позиција пред трката за Големата награда на Италија во рамките од Мото ГП шампионатот.

Ова е трета пол-позиција за Бањаја сезонава, а до неа стигна со рекордно време на круг од 1:44.855 мин.

Второто место на стартот ќе го има Марк Маркес на „Репсол Хонда“, кој заостана 78 илјадитинки, а на нив двајца на стартот на спринтот и главната трка ќе им се придружи помладиот Маркес – Алекс.

Четврти е Џек Милер, кој вози за „КТМ“, а токму тој ќе биде покрај Бањаја и Маркез во недела на стартот.

Возачот на „Прамак Дукати“, Хорхе Мартин, беше петти, пред Марко Бецеки од тимот „ВР46“ и Алес Еспаргаро на „Априлија“. Меѓу првите 10 се најдоа Жоан Зарко, Алекс Ринс и Бред Бајндер.

Спринт трката започнува денеска од 15.00 часот, додека трката за Големата награда на Италија е закажана за недела од 14.00 часот.