Бадел 1862 е првиот финалист во женскиот кошаркарски Куп

жкк бадел женска кошарка
„Баделки“ ја оправдаа фаворитската улога против Струга 2009/Фото: kfsm.mk

Кошаркарките на Бадел 1862 денеска во СРЦ „Кале“ – Скопје ја оправдаа фаворитската улога откако славеше лесна и убедлива победа над Струга 2009 со резултат 80:44.

„Баделки“ стигнаа до уште едно финале во националниот Куп и за трофејот ќе играат против Кам Баскет 2011 или Вардар.

Водечките во домашното првенство го најавија триумфот во првата четвртина, реално единствената во која стружанки им пружија отпор.

Но, и во таков распоред на силите, ЖКК Бадел 1862 оствари двоцифрено водство (23:12). А како одминуваа минутите така слабееше и отпорот на гостинките од Струга. Во вториот период дадоа девет, во третиот исто толку.

На полувремето, фаворитот водеше со двојно повисоки 43:21, на истекот на третиот, недостижни 64:30.

Комплетната прва петорка на Бадел 1862 стигна до двоцифрен број на поени. Стојановска постигна 14, Трајчевска Димова и Матие по 12, а Димитријевиќ запиша 11.

Во екипата од Струга, Модева реализираше 10 поени. Куп финалето ќе се игра в недела со почеток од 17.00 часот.

Видео на денот