Бабиш: Лошото повлекување на војниците на НАТО ќе го зголеми притисокот врз балканската рута
Премиерот на Чешка, Андреј Бабиш оцени дека погрешното и лошо повлекување на војниците на НАТО од Авганистан може да го зголеми притисокот врз балканската бегалска рута.
– Ненадејниот пад на авганистанската влада предизвика катастрофална ситуација која се заканува да прерасне во масовна бегалска криза. Заминувањето на трупите на НАТО, за кое верувам дека беше грешка, е опасна за нас и пред се, ненамерно може пак да го зголеми притисокот врз балканската миграциска рута е опасна за нас, рече Бабиш пред чешките амбасадори.
Тој повторно ја критикуваше Европската унија за одложување на проширувањето на Западен Балкан, тема што е меѓу главните приоритети на чешкото претседателство со ЕУ следната година.
„Неспособноста на ЕУ да се согласи да започне пристапни преговори со Северна Македонија и Албанија ја гледам како голема грешка“, рече Бабиш.
Премиер Бабиш денеска предупреди дека земјата, благодарение на ЕУ и НАТО, има најголеми безбедносни гаранции во историјата.
„Никогаш во историјата немавме такви гаранции за безбедност, економски просперитет и заштита на човековите права, како што се обезбедени од ЕУ и НАТО. Благодарение на полноправното членство во двете организации, Чешка е посилен играч со поголема почит на меѓународно ниво, рече премиерот.