Една недела по големото невреме кое го зафати Скопје и околните градови, на многу локации низ главниот град сè уште можат да се забележат последиците од орканскиот ветер кој дуваше со јачина до 130 километри на час.

Страшни се глетките во Градски парк, каде и по секојдневните интервенции од ЈП „Паркови и зеленило“, уште има блокирани патеки. Корењата од паднатите дрвја се релативно куси, оштетените стебла се двојно повисоки од просечен човек, а сериозни оштетувања има и во Паркот на новинарите кај зградата на Нова Македонија.

Од невремето најпогодена беше општината Карпош, а сериозни оштетувања имаше и во преостанатите скопски општини.

Во галеријата подолу можете да погледнете како денеска изгледаат патеките во Градски парк и Паркот на новинарите.