Алмир Даути е назначен за в.д. директор на ЈП „Комуналец“ – Гостивар, соопшти градоначалникот Ваљбон Лимани.

Лимани изјави дека назначувањето било неопходно за претпријатието непречено да продолжи со работа, имајќи ги предвид неговите секојдневни обврски.

Даути е дипломиран економист и повеќе од 15 години е вработен во „Комуналец“, а последните седум години раководи со Одделението за комерција.

Тој доаѓа на местото на досегашната директорка, која беше уапсена на 21 јули по што ѝ беше одреден притвор. Таа, заедно со уште двајца раководители од претпријатието, е осомничена во истрагата за загадувањето на водата во Гостивар, што доведе до епидемија на ентероколитис.

Хепатит А и Е може да станат јавачи „на опашката на гостиварската епидемија“