Попладнево избувнал пожар во велешката месност „Дорутовец“, по бензинската станица на „Макпетрол“ пред влезот во градот, соопштија надлежните. Пожарот гори од десната страна на патот гледано во насока кон градот.

Поради ветрот и опасноста пожарот да се прошири, раководителот на Главниот штаб за управување со кризи, Стојанче Ангелов, активираше два авиона „ер трактор“ на Дирекцијата за заштита и спасување (ДЗС).

Во моментот, на терен се пожарникарите на Територијалната противпожарна единица (ТППЕ) Велес коишто дејствуваат со две ПП возила и шестмина пожарникари.

Се јави „Комуналец“ од Струмица, вели дека е можно депонијата во Доброшинци да се самозапалила од метан