Нов главен тренер на словенечкиот фудбалски клуб Олимпија Љубљана е 49-годишниот македонски стручњак Југослав Тренчовски, кој потпиша едногодишен договор со „Змејовите“ со можност за продолжување.

Тренчовски неодамна успешно го водеше Радомље, каде што остави силен впечаток во претходната натпреварувачка сезона.

Пред тоа, тој стекна богато искуство и во Македонија и во Кувајт. Во својата тренерска кариера, тој ги водеше Ал-Араби, Брера, Беласица, Хоризонт и Кожуф Миравци, и изгради репутација на тренер кој успешно развива и промовира млади фудбалери.

Покрај работата на клупско ниво, тој работеше и како спортски директор во Академијата Пандев, а беше и тренер на репрезентацијата на Македонија до 19 години.

– Ова е голем предизвик за мене, можеби дури и најголемиот во мојата тренерска кариера досега. Работата за најголемиот словенечки клуб е голема чест. Кога Олимпија ќе ве повика, пешачите од Македонија само за да дојдете тука. Знам каков потенцијал има овој тим и колку е добро структуриран. Олимпија секогаш мора да се бори за самиот врв на словенечкиот фудбал, па затоа сум многу возбуден што работам. Немам магично стапче со кое би можел да направам чуда преку ноќ, но сакам да играме доминантен и брз фудбал и да постигнуваме што е можно повеќе голови – рече Тренчовски.

Олимпија Љубљана во својата клупска историја досега беше четири пати шампион на Словенија, последен пат во ссезоната 2024/25. Минатата натпреварувачка сезона го освои четвртото место во првенството.

“To je zame velik, morda celo največji izziv v dosedanji trenerski karieri. Delovati v največjem slovenskem klubu je velika čast. Ko te pokliče Olimpija, greš peš iz Makedonije, samo da prideš sem.”

🎙️ Jugoslav Trenčovskihttps://t.co/iRMdJ7q5CH pic.twitter.com/gFALCnRti7

— NK Olimpija Ljubljana (@nkolimpija) July 28, 2026