Бабиќ по поразот од Мешков: Бевме уморни и емоционално празни
Во саботата Е. Пелистер во салата „Боро Чурлевски“ во првиот натпревар од четвртфиналето во СЕХА лигата загуби со 27:31 од Мешков Брест.
Играчите на хрватскиот тренер Жељко Бабиќ се свесни дека на реваншот ќе мора да одиграат подобро и се обидат да ја анулираат негативата во Белорусија за пласман на Фајнал-фор турнирот.
Тренерот на Е. Пелистер, Жељко Бабиќ:
– Честитки до екипата на Мешков Брест за победата. Бевме уморни и емоционално празни од настаните во последните две недели, но тоа е моја одговорност. Ја преземам одговорноста за физичкиот и тактичкиот дел. Игравме против одличен, искусен и физички силен тим. Имаме доволно време да се подобриме и да одиграме многу подобро во Белорусија. Убеден сум дека различен Е. Пелистер ќе излезе на терен следниот викенд и ќе игра достоинствено.
Ракометарот на Е. Пелистер, Матео Мараш:
– Мешков Брест беше многу подобар, одигра одлична одбрана и ја заслужи оваа победа. Мора да бидеме подобри, мора да работиме многу оваа недела и да одиграме многу подобар натпревар во Белорусија.
ВИДЕО: Е. Пелистер ја загуби првата битка со белорускиот Мешков
