Французите славеа победа во мечот за бронзениот медал со резултат 67:59 против селекцијата на Австралија.

Популарните „кенгури“ за првпат во својата историја се најдоа помеѓу најдобрите четири селекции на СП, беа многу блиску и до историски медал, но на крајот пропуштија голема шанса.

Од друга страна, за „триколорите“ ова е втор бронзен медал на светските шампионати, втор по ред, првиот го освоија на минатото СП пред пет години.

Австралија во средината на третата четвртина имаше дури +15 разлика на семафорот, но Франција направи целосен пресврт благодарение на расположениот Нандо Де Коло.

На овој дуел австралискиот бек Пети Милс запиша 15 поени (два помалку од Инглс), и така му овозможи на српскиот репрезентативец Богдан Богдановиќ да биде најдобар стрелец на годинешниот Мундобаскет.

Во победничките редови се истакна Де Коло со 19 поени, три помалку запиша Фурние (пет скокови).