Додека навивачите на Арсенал ширум светот со нетрпение го следеа натпреварот меѓу Манчестер сити и Борнмут, по кој клубот од северен Лондон и официјално ја обезбеди шампионската титула во Премиер лигата, менаџерот Микел Артета воопшто не следел што се случува.

Шпанскиот стратег, кој го одведе Арсенал до првата титула по пауза од 22 години, откри дека првично планирал натпреварот да го следи со фудбалерите во тренинг-центарот на клубот, но во последен момент се предомислил и останал дома.

„Излегов во дворот, запалив оган и почнав да правам скара. Воопшто не го гледав натпреварот“, изјави Артета.

По три последователни сезони во кои Арсенал завршуваше на второто место, веста за долгоочекуваната титула Артета ја добил од својот најстар син Габриел, кој настапува за тимот на Арсенал до 18 години.

Фудбалерите на Арсенал заеднички го следеа натпреварот во тренинг-базата на клубот, по што почнало големото славје кое траело до раните утрински часови.

ФОТО | Астон вила мораше да направи промена на дресот за финалето во Лига Европа