Финалето во Лигата на шампиони оваа сезона ќе донесе историски момент за шпанската тренерска школа. Иако ниту еден од финалистите не доаѓа од Шпанија, за првпат во битката за европската круна ќе се соочат двајца шпански тренери.

Во минатото имаше финалиња меѓу шпански клубови, како дуелите меѓу Реал Мадрид и Атлетико Мадрид во 2014 и 2016 година, но тогаш клупите ги предводеа Карло Анчелоти, Зинедин Зидан и Диего Симеоне.

Оваа година сцената ќе им припадне на Луис Енрике и Микел Артета, кои ќе ги водат ПСЖ и Арсенал во финалниот меч. Интересно е што и двајцата во своите играчки денови го носеа дресот на Барселона.

За Луис Енрике ова ќе биде можност да стигне до третата титула во елитното европско натпреварување, додека Артета ќе се обиде за првпат да го освои највредниот клупски трофеј во Европа.

Минатата сезона истите ривали се сретнаа во полуфиналето, а тогаш францускиот шампион беше поуспешен во двата натпревари и со вкупни 3-1 обезбеди место во финалето.

Компани лут на судиите: Се надевам дека наредната година ќе судат за нас