Најдобрата светска тенисерка Арина Сабаленка се пласираше во полуфиналето на турнирот во Бризбејн, Австралија, откако ја победи седмата светска тенисерка Медисон Киз од САД во два сета со 6-3, 6-3. Мечот траеше еден час и 30 минути.

Белорусинката, која ја брани титулата во Бризбејн, во полуфиналето ќе се соочи со 20 светска тенисерка Каролина Мучова од Чешка, која ја победи петтата светска тенисерка Елена Рибакина од Казахстан во три сета со 6-2, 2-6, 6-4.

Шестата светска тенисерка Џесика Пегула од САД се пласираше во полуфиналето откако ја победи седмата светска тенисерка Људмила Самсонова од Русија во два сета со 6-3, 7-6 по еден час и 51 минута игра. Пегула вкупно четири пати дојде до брејк на сервис на противничката, додека Самсонова два пати.

Американката во полуфиналето ќе се соочи со 26 тенисерка во светот, Марта Костјук од Украина.

Костјук во четвртфиналната фаза ја елиминираше деветтата тенисерка во светот, Мира Андреева од Русија, со 7-6 и 6-3.